Pahnihna chu Chaltlang Br. YMA an ni a, cheng nuai 3 leh thuziak an dawng a, pathumna Mission Veng Br. YMA leh Tuikhuahtlang Br. YMA-in cheng nuai 1 ve ve leh thuziak an dawng bawk. A bak zawngin Participation Prize an dawng vek bawk a ni.
Kawn chei lawmman semna inkhawm hi Chaltlang Tourist Lodge Conference Hall-ah Tourism Director, Pu Biakthanmawia Pautu kaihhruaia neih a ni a, Director chuan he inelna hi Krismas leh kumthar lawm chhunga Mizorama khualzin tam zawk hipna tura buatsaih niin a sawi a, hemi kawnga an thawhpui Central YMA leh MJA te \anpuina an dawn avangin lawmthu a sawi bawk.
He inkhawm hmanpuitu, Tourism Secretary, Pi Esther Lal Ruatkimi chuan khualzin hip tura hma an laknaah Mizo mipui a tam thei ang berin hlawkna an tel theih nana \an lak thiam a \ul tih a sawi a, hetiang intihsiakna an buatsaih hi mipui tan kawn chei en tur siam emaw, \halaiten len khawthawnna tur an neih theihna tur emaw atana tih a ni satliah lo tih sawiin, khualzin tam thei ang berin Mizoram an lo tlawh a, mipuiten Krismas hlutna tak tak an hriat thar leh theihna tur a ni tih sawiin, hetiang intihsiakna hi hun lo kal zel turah pawh buatsaih chhunzawm a ni dawn a, veng hrang hrangte chu kumina intihsiakna an buatsaih leh tur atan lo inruahman lawk turin a chah nghal a ni.
Kawn chei intihsiaknaah hian Aizawl khawpui chhunga veng 20-in hming an pelut a, kawn chei intihsiak hi Central YMA, MJA leh Tourism Department aiawhten an endik a ni.
