Tourism Department Director Pu Biakthanmawia Pautu kaihhruaia vawiina Winter Festival Programme Committee \hukhawm chuan Winter Festival 2018 chu tunhma lama a hmanna hmun ngai, Tuirial Air-field-ah Decemeber ni 13 a\anga ni 15 thlenga hman turin ruahmanna a siam.

He inkhawmah hian PHE Department aiawh, Mizo Cultural Organisation leh Information & Public Relations Department aiawhte an tel a ni. Winter Festival-ah hian zai leh lam bakah intihhlimna chi hrang hrang buatsaih a ni ang a, Programme dangte chu thlalak, lemziak, pangpar khawi mawi phochhuahte an ni ang. He Festival ah hian Thupui (Slogan) siama inelna pawh neih a ni anga, slogan siam a inelna a telte tan November ni 15 thleng Phone no 9089368231-ah SMS a thehluh theih a ni ang a, a ti \ha thlan chhuh 3 te tan lawmman siam a ni ang. Tourism Department chuan kumin hian Krismas Parade buatsaih a tum a, kum danga tih \hin angin Kawnchei pawh tih leh nise a tia, he inelnaah hian lawmman atan pakhatna in cheng nuai 4, pahnihna in nuai 3 leh pathumna in nuai 2 an dawng dawn a, he inelna a tel tur vengte chu kumin December ni 10 hmain endik a ni ang.