Tourism Department buatsaih, Winter Festival, 2017 chu vawiin khan Tuirial Airfield-ah \an a ni a, ni 3 chhung a awh ang. Kut hawngtu, Assembly Deputy Speaker, Pu R. Lalrinawma chuan, Mizoram hmun hrang hranga kawngpui chhia chu siam \hat mek a nih thu sawiin, kawngpui chhiat leh \hat chu khualzin hipna kawnga thil pawimawh a nih loh thu leh Mizoram chu a nihna ang angin khualzinten an pawm niin a sawi. Winter Festival-ah hian hnam zai leh lam chi hrang hrang entir a nih bakah intihh limna dang – thlalakna hmun, Rifle kah, Carnival, thal kah, Aero modelling, naupang infiamna, Hot Air Balloon leh Powered Hang Glider tih theihna siam a ni a, Mizo puan leh thiam hnang chi hrang hrang zawrh chhuah a ni bawk.
Tourism Department hotute chuan, Mizoramah khualzin tam zawk an lo luh theih nan kum danga Anthurium Festival leh Thalfavang Kut a hranga hman \hin chu kumin a\ang hian hmun khatah chhung khawmin, Winter Festival tih hming chawia hman \an a ni tih an sawi. World Travel and Tourism Council, India-in a zir chianna a\angin ram puma state 30 zingah Mizoram hi khualzin tam lamah 23-na a ni a, kumin chhung hian ram dang a\angin khualzin 900 velin Mizoram an rawn tlawh tawh a ni.
