He kawngah hian Satguru Company chuan black-topping hna a thawk mek a, PWD nena an inrem dan chuan he hna hi kumin November thlaa zawh hman tur a ni a, mahse a hnathawh dan leh tun thlenga a thawh tawh enin a zo hman dawn lo nia an hriat vangin chak zawka thawk turin Contractor hi ngen a ni a, hemi rual hian tuna kawng chhia leh khuar nasa vanga Maxi Cab tlan theih lohna hmunahte Maxi Cab a tlan reng theihna turin lunga kawng khuar hnawh turin Contractor hi hrilh a ni a, an Contract-a an intiam angin kumin chhung ngei hian kawnga lung phah hna, Granular sub-base chu zo tura hrilh a ni bawk. He inkhawm hi Tlawngthlang Village Council Association Chairman, Pu Chhimtlangthanga Raltein a kaihruai a ni.
