Aizawl-Thenzawl-Lunglei World Bank kawnga Tlawng leh Pukpui inkara kawng chhe zual lai km 2 vel concrete-a siam hna chu tun thla ni 23 atangin thawh tan a ni dawn a, PWD hotute chuan he kawng siam hna hi tluang taka thawh a nih theih nan tun thla ni 23 atanga hnathawh zawh thleng he kawngah hian lirthei eng chi mah kal tir phal ni dawn lova, motor lian te chu Aizawl-Serchhip-Lunglei kawng National Highway 54-ah an kal a ngai ang a, motor te chi te erawh chu Haulawng atanga Dawn kawngah kalin National Highway 54 kawngah an kal a ngai tawh dawn a ni. Tlawng leh Pukpui inkar kawng chhe zual lai cement concrete-a siam hna hi Tantia Construction Company leh SLT ten Zirtawpni atangin an thawk tan dawn a, tunah hian khawl leh hmanrua te an bun mek a ni.
