Aizawl-Thenzawl-Lunglei World Bank kawng, Tlawng leh Pukpui inkar chu chak zawka siam \hat dan tur ngaihtuahin vawiin khan Lunglei Additional DC, Pu Benjamin Lalzama hovin mi pawimawhte an \hu khawm a, Pukpui leh Tlawng inkar kawng hi vawiin a\ang khan siam \hata alkatra luan \an a ni a, hnathawk tur hian PWD chuan mi 50 vel a ruai a ni. He kawnga fur laia tui chhuak \hinin kawng chhuat a tihchhiat rengna lai, meter 740 vela thui chu cement concrete, inchi 8 vela chhaha siam turin Contractor-in tunah hian a buaipui mek a, he kawng a siam chhunga kawng hmangtu mipuiten harsatna an tawh loh dan tur ruahman turin PWD officer-te chu hriattir an ni. He sawihona-ah hian SP, PWD Officer te, Sub Hqrs. YMA hruaitute leh Press mite an tel a ni.
