November ni 26 a\anga chin hriat lohva bo, Aizawl Tlangnuam West veng mi, C. Lalhmingthanga, kum 47 chu nimin a\ang khan Central YMA kaihruainaa zawn \an a ni a, C. Lalhmingthanga hi Sairang High School Headmaster ni \hin a ni a, kum 1998 vel a\ang khan rilru lam harsatna a neih avangin a hna hi a thawk chhunzawm thei lova, hun eng emaw chen a \hat chhuah leh deuh avangin Sairangah bawk English Medium School-ah a thawh leh hnuah a hna thawk chunzawm thei lovin harsatna a tawk leh a ni. Thla hlui ni 26-a a bo ni hian a zirlai hlui \henkhatin Phunchawng leh Sihhmuiah an hmuh avangin hetiang lai chheh velah hian a zawn beihpui hi thlak a ni a. Mibo zawng tur hian Central YMA chuan Aizawl khawpui chhunga YMA Branch hrang hrang chu a inchhawka hnatlang turin a ruat a, vawiin pawh khan khawpui chhunga Branch 19-in mi bo hi an zawng a ni. Central YMA hruaitute chuan, Central YMA kaihruainaa hnuaia zawn a nih hmain Tlangnuam West khawtlangin ni hnih chhung an lo zawn tawh avangin Central YMA bul tumin ni 5 chhung zawn a nih tur thu an sawi a, tunkar Ningani thleng zawn a nih hnuah hmuh a nih loh chuan Mizo danin a zawnna hi titawpin, vui a nih tur thu an sawi.
