Kum 2012 kumtir lama buaipui \an tawh, cheng nuai 442 senna, Improvement and Renovation of Existing Water Supply Scheme tia vuah hi tun thlenga hawn la ni lo mah se, mipui mamawhna avangin PHE Deptt. chuan an hmang \an tawh a, kum khat pawh a ral hmaa hman \hat theih a ni lo chu Tlabung Sub Hqrs. MZP hruaitute hian an enfiah a, hnathawktute chuan tun dinhmunah tui siakna khawl chu ni khatah darkar khat aia rei a hman theih loh tih Tlabung MZP hruaitute leh anmahni \awiawmtu VC te an lo hrilh a ni.
Tlabung MZP hian Tlabung khawpui chawm thei tura ngaih project, peihfel a nih hnu rei lotea a nih dan tur anga mipuiten an chhawr thei lo chu pawi an tih thu sawiin, hma la thuai turin department hotute an phut tih an sawi.
