Tlabung a\anga km 32 vela hlaa awm khaw pathum te hi Young Mizo Association, Tlabung Branch-ten dan lova din ni ngeia an hriat, kumin August thla ral hmaa \hiah an tum zingah a tel a, Lunglei DLAO hian kawng hrang hranga an dinhmun enfiahin, zau zawkin an chanchin a zirchiang a ni.
Pu James Miahlung hnen a\anga Tlabunga Zonet Reporters thu dawn danin, an khaw tlawh pathum zinga Lare vengah chuan chenna in 70 awmin, mihring 375 an cheng mek a, sorkar din primary school, anganwadi leh community hall a awm bakah, Bonasury-ah chuan chenna in 66 awmin mihring 305 an cheng mek a, sorkar din zirna in leh anganwadi bakah community hall leh Kohhran biak in a ding bawk. Hetihlai hian Khojoysury-chhuahah chuan chenna in 54 awm mekin, mihring 514 an inbengbel mek a, sorkar-in zirna in leh anganwadi a din bakah eng leh tui pek an ni bawk.
Sorkar hriatpui loha din nia ngaih khuaa chengte hi foreigner an nih loh thu leh India khua leh tui dik tak, electoral roll-ah pawh chuang vek an nih thu Lunglei DLAO hian a sawi a, tuna an awm mekna hmuna dan lova khawsaah pawh an inngaih loh thu te, khaw \henkhat phei chu rambuai hma daih tawha lo luahlum tawh a nih thu te a sawi a, dan lova khaw din chungchang sawi ruala mi \henkhatin ram dang mi rawn lutte ni tura an ngai \hin chu a dik tawk loh thu a sawi.
Khaw pathum te chungchang hi District Level Screening Committee \hutkhawm hmasa berah an ngaihtuah leh dawn a ni.
