Tlabung district a pian theihna turin theihtawp chhuahin hma an la zel dawn tih, Tlabung District Demand Committee vice chairman Pu Lalramnghaka Lianhna chuan tanpuina bawm hun pahin a sawi a, kawng hrang hranga hma an lak lehzelna turah sum leh pai an mamawh leh dawn avang te, Tlabung mipuiten an hmalakna an thlawp tih lantirna remchang siamsak an duh vang te-in, tanpuina bawm hun an rel tih a sawi.
Tlabung district nawra hmalakna puala tanpuina bawm siam hi Tlabung khaw chhunga veng hrang hrang – Bazar Bungkawn, Zodin kawn leh Chawnpui kawnah vawiin khan hûn tan a ni a, mi eng eng emaw zatin tanpuina bawmah hian tangkafai an thlak a ni.
