Mi dang chim buai loha an awm hun chhung tur, harsatna tawk lova hmang tlingtla fel tawh heng mi 7-te hi Tuichawng, Matisora leh Kalapani-a awm an ni a, mi dang chim buai loha an awm hran chhung hian, a khat tawkin Tlabunga Health department-a thawkten an hriselna dinhmun an enfiah reng thin a ni.
Hetih lai hian, Sorkar-in inkhung hrang tura tihte awm hranna tur bik a ruahman – Tlabung Tourist Lodge-ah tun dinhmunah mi 11 khung hran mek an ni tawh a; vawiin thlengin damlohna leh insawiselna dang an nei lo tih, anmahni viltute chuan an sawi.
