China Parliament chuan vawiin khan an ram President atan kum 64 mi, Xi Jinping a thlang leh. Puan tawh angin China hian an ram President hna a zawna \um hnih aia rei chelh khapna dan chu tun thla ni 11 khan a hlip a, Communist Party of China-in inthlan \hat a buatsaih hnuah hneh takin Xi Jinping hi thlantlin a ni leh a, heng zawng zawng hi Xi Jinping-a’n a theih chen chen an ram President nihna a chelh theihna tura ruahmanna a ni a, an ram sipai, Central Military Commission hotu ber atan pawh Xi Jinping hi CPC chuan a thlang nghal bawk a ni. Xi Jinping hi China hruaitu dam chhunga rorel thei tur khawpa thuneihna pek pahnihna a ni a, CPC dintu Chairman Mao Zedong-a dawttu a ni. Xi Jinping rual hian kum 69 mi, Wang Qishan pawh China Vice President turin thlan a ni bawk a, a ni hi Xi Jinping thlawptu nghet tak leh a \huihruai berte zing a mi a ni a, Wang pawh hi a damchhungin China Vice President a nih theih mithiamte chuan an ring a ni.
Chanchin Thar China ram-in President nih theih chen khuahkhirhna hlip, President ni turin Xi...
