Kiran Bedi hian Pathianni khan traffic police te chu road safety chungchang mipui te zirtir uar tura fuihin, two-wheeler khalh ten helmet an khum ngei tur a ni a ti a, National Road Safety Week lai khan Kiran Bedi hian Puducherry-a kawng lun laiah two-wheeler khalh te chu tidingin helmet khum turin a hrilh a, Narayanasamy chuan Narendra Modi thuhnuai-ah nitin nun tibahlah turin Kiran Bedi hian hma a la a ni a ti a, Kiran Bedi hi a thlawn-a buhfai pekchhuah a nih theih nana sorkar ruahhmanna siamah sum pe turin a phut bawk a ni.
Narayanasamy hi minister te leh MLA dangten an thlawp a, a huhovin Kiran Bedi chenna in kawtah an riak a, puan bah pan sin-a a mulai thlalak chu twitter-ah te CM hian a post a ni. Kiran Bedi chuan Narayanasamy hi lehkha thawnin, February ni 7-a lekha a thawn a chhanlet nghak loa, lungawi lohna a lantir chu thil tih dan tur ni lova a hriat thu a hrilh a, February ni 21-ah mumal deuha thil sawi ho turin a sawm bawk a ni.
Thawhlehni khan eptu pawl AIADMK MLA te chuan helmet khum vek tura thupek siam hi duh loin Puducherry assembly kawtah helmet te an vaw chhia a ni. Kiran Bedi leh Puducherry sorkar te hian thil dang \hahnem, takah inhmuhthiam lohna an lo nei tawh \hin a, Narayanasamy leh Congress te hian hmasawnnan-a ruahmanna siam welfare scheme te tikhawtlai \hin-ah an lo puh tawh bawk a ni.
