Fact Finding Team ah hian university lar tak tak JNU, Jamia Millia Islamia leh Banaras Hindu University zirlaite pawh an tel a, Uttar Pradesh Police te chu rawng taka cheah leh muslim te bitum bikah an puh a ni. Heng zirlai rualte hian Uttar Pradesh-a tharum thawhna thlenna hmun hrang hrang Meerut a\anga Bijnor leh Firozabad te chu tun thla ni 14 a\anga ni 19 thleng khan an tlawh kual a, CAA dodalna-a tharum thawhna thlen dan an zirchiang a ni.
Report an tih chhuahah Uttar Pradesh Police te chu Muslim te bakah mirethei zual te bitum-a dimdawina nei lova kut thlakah an puh a, mipui pungkhawm hnawh darh dan kalphung piah lamah police te chuan silai an chelek a ni an ti.
UP sorkar leh police te chuan CAA dodaltute an thunun danah dan bawhchhiat an nei lo niin an sawi a, dan leh thupek kengkawhtute chu mipuite hian an bei zawk niin an sawi.
CAA dodalna lantirnaah khan district hrang hrang Bijnor, Sambhal, Firozabad, Kanpur, Varanasi leh Meerut ah te nunna chan an awm a ni.
