He natna hi \henawm sate Assam ah mi 76 in an thihpui tawh a, ZONET zawhna chhangin Health Department hnuaia Integrated Disease Surveillance Programme hotu Dr. Pachuau Lalmalsawma chuan, Pachhunga University College zirlai pakhatin he natna hi a thihpui nia sawi awm chu thu dik lo a ni a ti a, zirlai thi ta thisen endiknaah Japanese Encephalitis hnuhma ang deuh hmuh nimahse, WHO in finfiahna rintlak a tih, thluaka tui chikhat, Cerebrospinal fluid endiknaah he natna hi hmuh a nih loh avangin zirlai thih chhan hi he natna vang a ni lo a ti.
Japanese Encephalitis natna Mizorama a luh thulha rang taka hma la nghal thei turin Health Dept chu a inring reng tih Dr. Pachuau Lalmalsawma chuan a sawi a, damdawi in hrang hranga thawktute pawh an hnena inentir te uluk zawka lo thlithlai tura hriattir an ni tawh a, he natna hi hmuh a nih chuan a venna vaccine pawh pe chhuak mai thei turin an inbuatsaih tih an sawi a, he natna hi a tihdamna damdawi awm lo mahse, a kai zawng zawngin an thihpui vek lo a ni a ti.
He natna lengin a tih buai mek, Assam ah chuan tunhnaiah he natna kai hi mi 348 hmuh chhuah an ni tawh a, mi 76 in an thihpui tawh a ni. January thla a\ang khan Assam ah hian mi 1350 in he natna hi an kai tih hmuh chhuah a ni a, an zinga 177 in an thihpui a ni.
Japanese encephalitis hi thosi seh a\anga kai darh theih a ni.
