Dorian thli hian chhiatna nasa tak Bahamas-ah a thlen a, khawvel ram hrang hrangten Bahamas chu \anpui an tum thu an sawi a ni.
Bahamian Health Minister, Duane Sands sawi danin Dorian thlipui tuar na bertu Abaco leh Grand Bahama-ah nunna chan tam tak an awm a, chenna in hloh mi 70,000 vel awmin, za zela 50 vel chu luah tlak lohin a sawp chhe vek a ni.
World Food Programme-in chhiat tawkte \anpui nan eitur leh mamawh hrang hrang helicopter hmangin a pe a, chhanchhuah hna thawktute hmanrua tur a ngaihtuahsak bawk a ni.
Dorian thli hian ruahtui a pai tel avangin chhanchhuah hnathawktute tan chet a khaihhlak deuh avangin Abaco leh Grand Bahama-a in chhe zat leh mitthi zat pawh chiang takin a la hriat theih loh a ni.
Hetih lai hian Carolina-ah \hawngaleivir nasa tak a thleng a, eng lakna hrui a tihchhiat bakah mi 4 an thi a ni.
