Election Department hotute hnen a\anga Zonet thudawn danin, Lok Sabha inthlanpui neih tur chuhtu mi 6 zingah inhnuk dawk an awm lova, hetiang bawk hian Aizawl West I biala bye Election neih turtu mi 3 zingah inhnuk dawk an awm lo a ni. Puan tawh \hin angin Lok Sabha member thlanna neih turah hian chuhtu mi 6- BJP candidate, Pu Nirupam Chakma, MNF Candidate, Pu C. Lalrosanga, Prism Party Candidate, Pu TBC Lalvenchhunga, Congress leh ZPM-in an thlawp Independent Candidate, Pu Lalnghinglova Hmar bakah Independent Candidate pahnih- Pu Lalhriatrenga Chhangte leh Pi Lalthlamuani an awm a, he inthlan chuh tura hming pelut theih hun chu thawh\anni khan a tawp a. Hming pe lutte hi thawhlehni khan endik niin, hnawl an awm lova. He inthlan chuh tura hming pe lutte tana inhnuh dawh theih hun chu vawiin khan a tawp ta a ni.
Hetiang bawk hian Aizawl West I biala Bye Election neih tura chuh tuma hming pe lut mi 3 zingah inhnuk dawk an awm lova, Bye Election neih turah hian MNF Candidate, Pu Zothantluanga, ZPM leh Congress-in an thlawp Independent Cadidate, Pu Lalbuanga Sailo leh Independent Candidate, Rev. Dr. Zaichhawna Hlawndo chu an inkhing dawn a ni.
Puan tawh \hin angin, ram puma Lok Sabha inthlanpui neih rualin Mizorama Lok Sabha Seat khat thlanna pawh thla thar April ni 11 hian neih a ni dawn a, hemi rual hian ZPM leader, Pu Lalduhoma bial chhuah san Aizawl West I bialah pawh Bye Election neih a ni nghal dawn a. He inthlan pahnih neih tura hriattirna chu tun thla ni 18 khan Election Commission of India-in a tichhuak a, State lian zawk leh MP member tamnaah chuan Lok Sabha inthlanna hi thawh 7 thleng neih tur niin, inthlan vote thlak hnuhnung ber chu May ni 19-ah neih a ni dawn a. He inthlannaa Vote tlate chu May ni 23-ah chhiar a ni ang a, May ni 27-ah he inthlannaa thil tihfel ngai awmte tihfel vek tur a ni.
