He \hutkhawmna hi Tourism Secretary, Pi Esther Lalruatkimi chuan kaihruaiin khawvel huap intihsiakna Mizoram in a thlen tur chungchanga sawrkar lo inbuatsaih tawhna te a tarlang a, hemi hnu hian he intihsiakna Serchhip in a thlen tur atana sawrkar Department hrang hrang te lo inbuatsaih dan chu thlirho a ni. PWD in a panna kawng an siam dan te, PHE Department in mikhual leh a chhimtu mipui tana tui in tur an pek dan tur chungchang te, P&E Department in Power Supply an pek dan tur te, UD&PA in inthiarna leh mipui chawlh hahdamna an siam dan tur te, Health Department in infiammi (Pilot) lo kal te hriselna leh inhliam an awm palha an buaipui dan tur te leh Police, Assam Rifles leh BSF lam hmalakna turte an sawiho a ni.
|hutkhawmnaa tel te hian Para-Gliding intihsiakna neih huna thlawhchhuahna tur hmun, Bawngchawm tlang an tlawh nghal a, Chief Minister Adviser Pu C. Lalramzauva chuan a \umna tur ram, Zawlpuia mimal leilet hawh tuma ruahmanna siam chu sorkarin hmun nghet atan lei turin thutlukna a siam tih a sawi.
