Vanah chhum awm deuh mahse, chawhnu dar 2:43 ah chiah Andra Pradesh-a a kah chhuahna hmun a\angin hlawhtling taka kah chhuah a ni a, Indian Space Research Organisation control room a\angin Scientist rualten Chandrayaan-2 phurtu Rocket tonne 64 zeta rit, van thengreng lam pana a invawrh chho lai hi an vil a ni.
GSLV Mark 3 Rocket hi ISRO in a siam rocket lian ber leh chak ber a ni a, metre 44-a sei, in chhawng 15 chen zeta sang a ni a, Cheng vbc 1000 zet senga rocket kap chhuak tur hian kah chhuah hma darkar 20, Pathianni tlai dar 6.43 a\ang khan countdown neih a ni.
China, Russia leh America ram ten thlaa rocket an lo kah kai tawh te chu thla leilung lai tak vela \umtir vek a ni hlawm a, tuna India in a kah chhuah hi chu Thla leilung la dai darh loh deuh laiah a \um dawn a ni.
Hapta liamta khan Chandrayaan-2 hi kah chhuah tum ni mahse, hu bi tiam thlen hma minute 56 ah khawl lam fel lo engemaw a awm avangin \hulh a lo ni tawh a ni.
Kum 2008-ah Chandrayaan-1 chu kahchhuah lo ni tawh mahse, thla leilungah tak a \um lova, amaherawhchu, radar hmangin thlaa tui awm chu chiang takin a hmu a ni. Chandrayaan 2 hian thla leilunga tui leh mineral dangte a zawng anga, thla leilunga lirnghin dan a teh dawn bawk a ni. Chandrayaan-2 hi a hlawhtlin chuan India chu thlaa boruak lawng kapchhuak thei ram 4-na a ni dawn a. US, China leh Soviet Union te chuan thla leilungah boruak lawng an lo kapkai tawh a ni.
