Sangha no pai hunlai a nih avangin an inthlahpun chak zawk theih nan Mizoram (Forest) Act, 1955 tlawhchhanin eng hmanrua hmang pawha sangha man khapna thupek hi chhuah a ni a, he thupek hian nimin a\anga chhiara thla khat chhung a huam dawn a ni.
Sangha man khapna thupekin zawm a hlawh leh hlawh loh endikin nizan khan Tlabunga Forest Department leh YMA Tlabung branch \angkawpin lui dung fangin, sangha manna hmun hrang hrang an endik a, Department leh YMA aiawhte chuan mi \henkhatin len an lo zar, a neituten an insaseng sante chu an khawmsak nghal zel a ni.
Tun \uma sangha man khapna thupek tihchhuah a hlawhtlin theih nan Tlabunga Environment, Forest & Climate Change Department-te chuan Tlabung khaw chhunga YMA leh YCA branch hrang hrangte chu thawhpuiah an sawm a ni.
