Thla hmasa ni 27-a Pulwama inbeihnaah khan khan Pakistan-in F-16 indo thlawhna leh AMRAAM missile te a hmang a ni tih finfiahna India sorkarin US hnenah a hlan.

Heng indo thlawhna leh a phurh missile-te hi US siam a ni a, Paksitan a lei tir hma hian ram hmasawn mek dangte laka hmang lo turin a intiamtir a ni. Puan tawh angin Pulwama-a Jaish-e-Mohammed mifirfiak pawlte’n CRPF mi 40 an thah hnuah, sorkar laipui chuan Balakot-a heng mififiakte inkhuarna hmun hi an bei a, Pakistan chuan indo thlawhna leh ralthuam dang hmangin LoC hrula India sipaite leh civil \henkhatte a bei let ve leh a, he inbeihnaah hian F-16 indo thlawhna leh AMRAAM missile hi a hmang tih finfihna atan thla hmasa ni 28 khan Indian Air Force chuan missile them an hmuhchhuahte chu an lo pholang tawh a, hetiang missile phur thei tur indo thlawhna dang Pakistan hian a neih loh thu a sawi bawk a ni. US State Department chuan F-16 indo thlawhna Pakistan-in a hmansual chungchang hi chik takin a chhui mek a, Pakistan lam a\ang pawhin chanchin hriat belh a tum mek a ni.