Thingtlang lama cheng, khawpui mite tana an theih ang anga luang chhuak pawh an awm belh zel a. Darlung Branch YMA leh Darlung Village Level Task Force te chuan thlai hnah leh chawhmeh chi hrang hrang an zawn khawmte a thlawnin Chanmari Veng Local Level Task Force te kutah an pe a.

Darlung khua hian chawhmeh zawn hnatlangpui an ko a, mi 324 an thawk chhuak a, an chawhmeh zawn khawm hi Darlung khawtual rate-a chhûtin cheng sing 8 man vel a ni. Aizawl khawpui veng hrang hrang zingah an pek tur hian Chanmari Veng an pawt fuh a ni. Chanmari Veng hian Buhfai, Alu, Purunsen, Nutrela, Dal leh Chhangthawp bakah tangkafai cheng sing 3 sang 6 chu Darlung khaw tan an lo hlan ve thung a ni.