Village Level Development Programme tia vuah hi Planning & Programme Implementation Department duan a ni a, Aizawl District ah Sailam; Lunglei District ah Sekhum; Champhai District ah Chawngtlai; Kolasib District ah Lungdai; Serchhip District ah Leng khua leh Mamit District ah Ailawng khuaah te bul \an chhin phawt tum a ni.
He Programme kalpui dan tur ruahmantu, State Level Coordination Committee vawiina an \hutkhawmna hi Planning Dept-a Addl Secretary Pu Lalrikhuma Sailo in a kaihruai a. State Institute of Rural Development and Panchyati Raj Director Pu Lalhmansanga Hnamte sawi danin a kaihhnawih dept te nen inrawnin khaw thlan chhuahah te hian mipuiten hmasawnna kawnga an mamawh turte duan a ni a, Department hrang hrang te hian hna thawh an tum dante chu SIRDPR ah an thehlut ang a, hmalak \an theih a ni dawn a ni.
Village Level Development Plan hnuaiah hian a khaw mipuite nen inrawnkhawmin, an mamawhte tipuitling tura hmalak a ni ang a, khaw entawntlak ni tura a khaw mipuite zirtir leh buatsaih te, khaw mipuiten eizawnna ngelnget an neih theina tur dappui te, central leh state sorkar scheme te hmasawnna thlen ngei tura awmze neia khai khawmte pawh hmalakna tur hian a huamtel dawn a ni
