Hemi chungchanga ZONET zawhna chhangin LAD Minister Pu K Lalrinliana chuan, Mizoram Rural Administration Reforms Drafting Committee hian an thil zirchianna report hi nikum tawp lam khan an thehlut tih a sawi a, PRI system chu Mizoram tan a \ha zawk dawn niin an zirchianna atangin an ngai tih a sawi a, Mizoram Rural Administration Reforms Drafting Committee rawtna hi sorkarin a la ngaihtuah lo a, VC inthlan a hnaih tawh avangin tun dinhmunah thutlukna engmah ala awm lo tih Pu Rintea chuan a sawi.
VC ten khawtlang inrelbawlna an kalpui dan leh PRI kalpui dan chu a inzul avangin sorkar laipui pawhin a pawmpui tho \hin tih Pu Rintea chuan a sawi a, finance Commission 15 pawhin an pawmpui dawn nia an hriat thu a sawi.
Mizoramah PRI hman a nih loh avang hian khawtlang tih hmasawnna tura PRI hmang ten kum tin cheng vbch 45 vel an dawn thin chu VC ten an dawng ve ngai lo tih a sawi a, tun VC term chhung hian excluded fund-ah cheng vbch 45 vel an dawng ve hram tih a sawi a, PRI chuan hna thawh viltu tur JE ang chi te leh thawktu dang te a ken tel a ngaih dawn avangin sorkarin uluk taka zirchian a tum a ni a ti.
Hmarchak state zingah Sikkim, Tripura, Assam leh Arunchal ten PRI hi an hmang a, Nagaland, Meghalaya, Hills State Of Manipur leh Mizoramin an la hmang lo a ni.
