Thenzawl Community Health Centre pantu, Thenzawl leh a chhehvel khaw hrang hrang-a damlo inentirte zingah rannung seh natna hrik pai hmuhchhuah an tam hle a, November thla a\anga tun thlengin mi 152 hmuhchhuah an ni tawh a, an zinga \henkhat chu Aizawl lam panpuite pawh an awm a ni. Thenzawla rannung seh natna hluar chungchang hi Health Minister Dr. R Lalthangliana chuan a hriat tawh thu sawiin, damdawi lam thiamte a \ul angin hma la tura tirh chhuah nghal an ni a ti a, hetiang harsatna a lo thlen thulha rang taka chechhuak nghal zel turin sorkar a inbuatsaih tih a sawi.
Health Dept hnuaia Integrated Disease Surveilance Programme IDSP-a State Nodal Officer Epideomologist Dr Pachuau Lalmalsawma leh State Entomologist Pu Lalfakzuala te hovin damdawi lam thiamte chuan vawiin khan Thenzawl hi an pan nghal a, zanin hian Thenzawl bul, Buangpui khuaah vantlang inkhawm kovin he natna chungchang leh a inven theih dan te an zirtir ang a, naktuk lamah Thenzawl CHC ah a thlawna inentirna buatsaihin damlo te thisen pawh an enfiah nghal ang a, hetah hian Thenzawl CHC-a Doctor te leh Serchhip lam a\anga thawk chhuak Lab Technician ten an puibawm ang. Dr Pachuau Lalmalsawma chuan rannung seh natna vei nia sawite thisen chu la-in ICMR Laboratory Dibrugarh-a endik tura thawn an tum tih a sawi bawk.
