Thenzawl tlangval C. Lalmuansanga Kanghmun rama a thingzai thiarnaa bo chu Mizo dana ni 7 chhung ngawrh taka zawn a nih hnuah hmuh a nih loh avangin a zawn hna hi nimin khan chawlhsan a ni.

A zawn tihtawpna inkhawm hi Kanghmun Community Hall-ah Thenzawl Joint YMA President, Pu RC Lalrintluanga kaihhruaia neih a ni a, hetah hian tun thla ni 17 a\anga chin hriat loha bo C. Lalmuansanga chanchin leh Thenzawl bakah a chhehvel khaw hrang hrangten an zawn dan chanchin te tarlan a nih bakah Serchhip Sub Hqrs. YMA President, Pu R. Sanghminthanga, Thenzawl Joint VC leh Kanghmun VC aiawhten thu an sawi a ni. Serchhip Sub Hqrs. YMA President hian ralna Rs.5,000/- a pe bawk a ni. Thenzawl Vengthlang Presbyterian Kohhran hian mi bo an neih avangin Krismas pawh an hmang mumal thei lova, Krismas lawmna ruai pawh vawiin khan an \heh chauh a ni.