Hemi hnua Zonet thudawn danin he lei chimna chhan hi Asian Development Bank sum hmanga Serchhip-Thenzawl-Buarpui kawng siam hnathawktu Tantia Construction Company Driver pahnihin truck full load nen a ruala an zawh vang a ni a, truck lungphurte hi an pahnihin he leiah hian an la tang a, motor khalhtu zinga pakhat chu a hliam lova, pakhat erawh chu a hliam avangin Thenzawl damdawi inah lak a ni a, amaherwahchu a nat loh avangin damdawi ina dah luh a ngai lo a ni. He thil thleng chungchangah hian PWD chuan Thenzawl Police Station-ah FIR an thehlut a, dan phal loha a ruala lei zawhtu vai driver pahnihte hi a \ul dan angin Police te chuan thubuai an la siamsak dawn a ni.
Hetihlai hian helai kaiah hian motor-in lui a dai kaina tur lui laiah hume pipe daha siam tawh a ni a, hetah hian tun dinhmunah motor te chu a kal thei tawh a, chak zawka kawng siam hna thawh a nih theih nan motor lian kal kai theihna turin lei siam tum mek a ni.
