Thenzawl khawchhunga Mizoram Peoples Forum (MPF) Joint Local Forum hruaituten khaw chhunga party hrang hrang aiawhte nizan khan ko khawmin inthlanna felfai leh thianghlim a awm theihna tura hmalak dan tur an sawipui.

Sawihona hi Thenzawl Field Veng Presbyterian Kohhran Sunday School Hall-a buatsaih a ni a, Assembly inthlanpui lo awm turah Inthlanna thianghlim, dik leh falfai a awm ngei theihna tur leh Sorkar inrelbawlna tha Mizoramin a neih theihna tura MPF leh Party hrang hrangte inremna thuthlung an zirho ber a, zirhona hi Thenzawl MPF Joint Local Forum Chairman Rev. R. Lalremruata’n a kaihruai a ni.