Mizoram State Prohibition Council chu vawiin khan an Chairman, Excise & Narcotic Minister, Pu R. Lalzirliana kaihhruaiin Aijal Club-ah an \hukhawm a. Hetah hian Mizorama phalna neia zu zawrh a nih hnua zu-in khawtlang nun a nghawng dan zirchiangtu, The Study Group of MLPC Act, 2014 report pharh a ni.
He report-a zu zawrh nghawng leh kaihhnawih thil \ha lam leh chhe lam chi hrang hrang tarlan te chik taka thlirho a ni. He meeting-ah hian hmalak theih dan kawng 3 Study Group-in a chhawp chhuah pawh sawiho a ni a, rawtna a siamte chu sorkarah thehluh a ni ang. He meeting-ah hian Excise & Narcotic Minister, Pu R. Lalzirliana chuan Mizorama phalna pe chhuaka zu zawrhna dan, MLPC Act 2014 hman a nih a\anga a nghawng thil chi hrang hrang thlengte zirtu tur Study Group of MLPC Act 2014 chu kum 2017 March ni 10 khan din a ni tih a sawi a, an zirchianna a\anga lehkhabu an siam chu India rama rilru lam zirtu lar, Centre for Addiction Medicine Bangalore-a mithiam, Dr. Vivek Benegal leh Mizoram Univerisity-a Dean of School of Economics, Management & Information Science, Prof. NVR Jyoti Kumar te zirchian tir an ni dawn niin a sawi a ni. He Study Group meeting-ah hian Convener, Pu Dominic Lalhmangaiha, Salvation Army Chief Secretary (Rtd) Lt. Col Lalramhluna, Mizoram University-a thawk, Dr. Laldinliana Varte, Dr. K. Lalbiakzuala, Dr. C. Lalhrekima, Pu Lalbiakvelaleh MJA aiawhin Pu Vanlalrema Vantawl te an tel a ni.
