The Salvation Army India Eastern Territory-in Project thar a kalpui tur, Anti-Human Trafficking Phase 2 Project chu vawiin khan, Territorial Commander Commissioner Lalzamlova’n Booth Mansion Conference Hall-ah hawnna leh Pathian hnena hlanna a nei. Commissioner Lalzamlova chuan thu sawiin, The Salvation Army India Eastern Territory ten tun \uma Anti Human Trafficking an kalpui tur chu a thawh hnihna a nih thu a sawi a. A thawh khatna chu kum 2009 atanga 2011 chhung khan hlawhtling taka kalpui a lo ni tawh tih sawiin, he programme hmasa kaltlang hian mi engemaw zat chhanchhuah an lo ni tawh a ni a ti a, sorkar leh tlawmngai pawl dangte nen pawh \ha takin a an lo thawk ho tawh \hin tih a sawi a, programme hmasa kaltlanga an chhanchhuahte chu dinhmun pangngai leh eizawnna ngialnghet tak neiin mi engemaw zat an awm tawh tih a sawi bawk.
Anti-Human Trafficking Programme hi 2018 atanga 2021 thleng kalpui tur a ni a. He project hi The Salvation Army United Kingdom, Australia leh The Netherlands Territory tangho-te tanpuina kaltlanga kalpui tur a ni. Project in a tum ber chu kohhran, khawtlang leh mimal tinten theihna an nei tih inhriattir te, midangte tanpui tura Volunteer 150 tal buatsaih te, mihring hmanga sumdawnna kaihhnawih midangte zirtir leh chumi a\anga anmahni leh midangte venghim thei tura buatsaih te, mahni awmna khua, kohhran, khawtlang leh chhehvela midangte \anpui leh zirtir thei tura buatsaih te a ni.
The Salvation Army India Eastern Territory ten
Anti-Human Trafficking Programme an kalpui na tur hi Mizoram chhungah chuan Aizawl, Champhai leh Vairengte-ah te a ni a, State pawnah chuan Guwagati, Silchar, Shillong leh Siliguri chhevel te an ni.
Vawiina hawnna leh Pathian hnena hlanna inkhawm-ah hian Salvation Army hotute bakah, Sorkar leh Tlawmngai Pawl hrang hrang aiawah te an tel a ni.
