A kharna Inkhawm Tanhril-a State Training Centre-a buatsaih hmanpuitu Mizoram Bharat Scouts and Guides President, Chief Minister Pu Zoramthanga chuan, kum sawm hnuah Mizoram Bharat Scouts & Guides-in State Rally a buatsaih leh thei chu lawmawm a tih thu a sawi a, State rally a tel scouts leh guides te chu inunauna leh inhriatthiam tawnna te vawng nung tura chahin zuk leh hmuam, zu leh ruihhlo laka fihlim turin a chah a, sorkarin \halai te a \ha zawnga tihphur chu a ngai pawimawh a ni a ti. Pu Rama hian Scouts and Guides tana activity buatsaih bakah NSS, NCC leh infiamna lamah te pawh activity hrang hrang ruahman a nih thu sawiin state chauh ni lo ram pum huap thleng turin ngaihtuahna hman a nih thu a sawi.
Sports Minister Pu Robert Romawia Royte pawhin thusawiin state rally a tel te chu an hma hun atana tangkai tur thiam thil, life skills zirchhuahna \angkai tak a nih thu a sawi a, Sports & Youth Services Department chuan Education dept nena \angdunin zirlai tam zawk NSS ah an tel theihna turin hma a la a ni a ti a, Lunglei a NCC battalion thar office pawh luah theih tep a nih thu a sawi.
Mizoram Bharat Scouts & Guides State Rally-ah hian Disrtict hrang hrang atangin an mahni kaihruaitute nen mi 409 an tel a, inelna hrang hrang 10 buatsaiha ti \hate hnenah lawmman sem a ni. Inkhawm hi Sports Secretary Pu H Lalengmawia’n a kaihruai a ni.
