Zonet thudawn danin, Melody Lalbiakzuali hi a pasal nen Chite kamah hian an khawsa thin a, hemi zan hian haw tura lui daikai a tum chu tui lianin a la ta nia hriat a ni. Tui tla ruang hi nimin khan ITI veng YMA leh an veng hnaia awm mi tlawmngaiten an zawng a, vawiin pawh khan Aizawl chhim chhak lam Branch YMA hrang hrangin an zawng leh a, chawhnu dar 12:40 vel khan a tlakna atanga Kilometre 10 vel zeta hla Kurung leh Paikhai inkarah a ruang hi hmu a ni ta a ni. A ruang hi Police lamin an endik hnuah a nu leh pate chenna Chaltlangah lak a ni.
