Naupang pahnih bakah hian midang 5 pawh bawng talhah hian puh an ni a, puh zingah hian Bulandhshar-a cheng tawh lo mi pakhat leh midang pathum, he khuaa chengte pawhin an hriat ngai loh an tel a, a puhtu ber, Yogesh Raj hi tharum thawh tura mipui pungkhawm fuihpawrh leh police thahnaah mawhphurtu bera puh a ni ve thung a ni. Naupang pahnih te hi pa te unau an ni a, an pate chuan thil thlen hun lai hian khuaah hian an awm lo hrim hrim niin an sawi a, police-te’n an tlawh tawh thu leh mamawhna an la nei anih chuan koh an nih tur thu an sawi a, Uttar Pradesh police-te chuan naupang-te hming chauh hi an zawh rih thu leh hei pawh hi thubuaia inhnamhnawihna neia puh an nih vang a nih thu leh tun dinhmunah chuan thu zawhfiah an la nih rih loh tur thu an sawi a, Yogesh Raj hi a chin hriat lohin a awm mek a ni.
