Tunhnaia Kanwar biakzin-a kal mi \henkhatte tharum thawhna chungchangah sorkar ukil thu thehluh ngaihtuahin Supreme Court chuan vantlang bungraw tih chhiat chu thil ngaihmawhawm tak, tih tawp nghal tur a ni a, dan siam\hat emaw nghah a ngai lo a, hmalak nghalna tur chi a ni a ti. Sorkar ukil Attorney General KK Venugopal chuan hapta tinin tharum thawha chetna thleng hma chhawn tur Police ten an nei tih Court sang ber hi a hrilh a, Kanwari biakzina kal ten mimal lirthei an tih chhiat dan leh police te lirthei an beih dan te chu sawi chhuakin, tunge mawhphurtu ber tih chian a \ul a ni a ti.
Lord Shiva zuiru Kanwars biakzin-a kal te hian Ganga luia tui an lak hnua an let leh lamah hmun tam takah tharum thawhin mimal lirthei te an ti chhia a, state sorkar \henkhat chu heng mite laka zawh dawh lutuk tia sawisel an ni a, Uttarakhand sorkar chuan tharum thawhtute chu an phu tawka hrem an nih tur thu a puang ve thung.
Chief Justice Dipak Misra chuan mahni chenna in halin a intih ropui chawp theih a nih pawhin, midang thil tih chhiat erawh danin a phal lo a ni a ti.
