Thailand Tham Luang puka tang naupang 12 zinga pali te nizan thim hlima chhanchhuah an nih hnuah midang chhanchhuak turin tukin a\ang khan beihpui thlak chhunzawm leh a ni a, chawhnu lam khan naupang pakhat hruai chhauh belh leh a ni.
June ni 23 a\ang tawha puka tang te hi football club pakhat Wild Boars player te an ni a, rawlthar 12, kum 11 leh 16 inkar mi vek te leh an coach kum 25 mi te an ni. Puk an luh hnuah sabereka khuangkaihin puk chhungah tui a tih len tak thut avangin an tang a, chin hriat lova ni 9 chhung zawn an nih hnuah British Diver ten puk chhung km 4 vela thukah an va hmu a, puk chhungah tui a tam avangin hruai chhuah mai theih an ni lo a, Thailand ah hian fur ruahtui nasa taka a tlak hun a nih tawh avangin chhanchhuah hna thawktute chuan thil kal sual palh thei tam tak karah naupangte hi tui chhungah liluh puiin an hruai chhuak \an ta a ni. Tui chhung luh thiam pahnih zelin naupang pakhat an hruai zel a, naupangte hi tui chhung luh thiam lo leh tui hleuh pawh thiam lo an nih avangin tui lut thiam pahnihte hian an naupang hruaiin a hip tur oxygen tank pawh an ken sak zel a, puk chhung hi chheng chhe tak, a \hen lai chu mihring pakhat leng \awk \awk khawpa zim te a nih avangin chhanchhuah hna thawh hi a chak thei lo a ni.
