Thailand lal Maha Vajiralongkorn-a’n a an ram Prime Minister inthlan lo awm tura a unaunu Princess Ubolratana-i’n din ve a tum chu âwm a tih loh thu leh lal chhungkaw inrawlhna tur a ni lo tia a remtih loh thu a sawi hnuah, Ubolratana-i awmna Thai Raksa Chart party chuan an party candidate a\angin an ban nghal.

Zirtawpni zing khan Thai Raksa Chart party chuan Princess Ubolratana hi an candidate-ah an ruat a, hei hian kum 2014-a Yingluck Shinawatra rorelna paihthlatu junta te dinhmun a tiderthawng dawn viau nia a lan laiin laiin chawhnu herah Thailand lal Maha Vajiralongkorn-a chuan lal chhungkaw mi hlun te politics-a an zuan luh chu an tih \hin dan phung pangngai kalh leh thil âwm lo a nih thu a sawi a ni. Thailand ramah hian lal thu hi chungnung bera ngaih a nih avangin vawiin khan Thai Raksa Chart party chuan lal thusawi hi zawm nghal a, lal chhungkaw thil tih \hin dan chu an zah tur thu an sawi a, campaign ruahmanna an lo neih tawh pawh an thlak danglam nghal a ni.  Thai lal chhungkua te leh mi lar te pawhin lal thu hi an thlawp thu an sawi a, he thil thleng vang hian inthlanna lo awm turah Junta hotu lu Prayut Chan-O-Cha-a chan a \hat an rin thu zirchiang mi te’n an sawi.