Nakhon Ratchasima khawpuia in pawng kahna rapthlak takah khan mi 29 an thi a, hapta khat a liam hnuah Bhuddist monk rualte hian an puala \awng\ai rualna hun hi an buatsaih a ni. Pawi khawihtu hi Jakraphanth Thomma, kum 32 mi a ni a, sipai \anglai a ni a, khawpui hmun hrang hrangah darkar 16 chhungin mi 29 zet a kaphlum a ni. He sipai hian an hotu pakhat, commanding officer a kaphlum phawt a, sipai ralthuam hlauhawm te la chhuakin khawpui chhungah hian pawi a khawih chiam zui ta a. Kawtthler leh sumdawnna hmun te luhchilhin a silai a pawng kah zel a, a hnuah police ten an kap hlum zui ta a ni.
Thailand Prime Minister Prayuth Chan-ocha chuan mi 29 thihna leh mi 57 zetin hliam an tawrh phahna, hetianga in pawng kahna hi Thailand-a la thleng ngai lo, thil lungchhiatthlak tak a ni a ti.
