Thailand-a football club pakhata rawlthar 12 leh an coach puk chhunga tang mekte chhanchhuah tuma la beih mek a ni a, heng rawltharte hian an chhungte lehkha an thawn-ah an dam \hat thu leh ngaihtuahawm an nih loh thu an sawi.
Naupang pakhat chuan an taksa a chak \hat thu sawiin anmahni ngaihtuah lo turin a lehkhathawnah a chah a, an zirtirtu chu home work pe tam lutuk lo turin fiamthu in a ngen a, an coach chuan naupang nu leh pa te hnenah ngaihdam a dil tih a lehkhathawnah a tarlang a ni. An lehkhathawnte hi British tuilut thiam anmahni tlawhtu hnenah an lo hlan a, Thai Navy Seal Facebook page ah tarlan nghal a ni.
Heng rawlthar rual 12 leh an coach te hi June ni 23 khan pukah hian an lut a, puk chhungah tui a len zui tak avangin puk chhungah hian an tang ta a ni. Chhanchhuah hnathawktute chuan puk hi tuiin a chim nasat vangin puk chhunga liluha inhruai chhuah chu thil hlauhawm tak a ni tih an sawi leh a, hei vang hian puk chunglam a\angin, an awmna zâwn âwm velah lei an verh tih an sawi a, hmun 100 vel an verh mek thu leh mtr 400 vela thuk an verh tawh thu an sawi. Rawlthar rualte tan mekna hi metre 600 vela thuk nia hriat a ni.
Chiang Rai Governor Narongsak chuan rawlthar rualte hi tui chhung luh dan pawh zirtir chhunzawm zel an ni tih a sawi a, lei verh mek zingah hian hmun 18 chuan puk hi pawh thei ngei tura beisei a ni a ti a, rawlthar rualte hi ke-a kal chhuak turin an taksa chak tawk mahse, tui chhunga liluhpui tur erawh chuan an taksa a chak tawk loh tih a sawi bawk.
