Mizoram State AIDS Control Society buatsaihin nimin khan Aizawl Civil Hospital-a Doctor-te tan HIV hrik paite thisen endik leh anmahni enkawlna kawnga thil thar, Test & Treat Programme zir hona buatsaih a ni a. Tunah hian Mizoram pumah HIV hrik pai 14,632 zinga 10,835 chu ART centre-ah an inziak lut tawh a, ART damdawi la mek 5,230 an awm tih tarlan a ni. Test and Treat Programme hi UNAIDS-in kum 2020 atana ’90-90-90 Targets’ a siam zulzuia buatsaih a ni a. He Programme hi ram pumah kumin April ni 28 khan bawhzui tan a ni a, Mizoramah kumin June ni 22 khan bawhzui tan a ni. Hemi hnuaiah hian
HIV darh zel tur ven a nih theih nan mipui nawlpui zaa 90 tal an thisen endik a, HIV an pai leh paih loh finfiah tum a nih bakah HIV hrik pai zaa 90-in enkawlna tha an dawn a, ART damdawi an ei theih nan leh ART damdawi ei mek zinga zaa 90 thisenah he natna hrik hi hmuh theih loh khawpa inenkawlna tha an dawn theih nan hnathawh a ni dawn a ni.
