Telegu Desam Party-in NDA a thlawpna hnukdawk

N Chandrababu Naidu-a kaihhruai, Telegu Desam Party (TDP) in Prime Minister Narendra Modi kaihhruai Sorkar NDA a thlawpna a hnuhdawh hnuah politics boruak a inthlak chho nasa hle. TDP hi Andra Pradesh tana sum pek thua an lungawi loh vanga inhnukdawk an ni a, Parliament-ah sorkar rin tawk lohna motion putluh an tum thu an sawi zui a, hetihlai hian Andra Pradesh tualchhung party ve tho YSR Congress, Jaganmohan Reddy-a kaihhruai chuan no confidence motion hi a thehlut zui a ni. YSR Congress hian Lok Sabha ah member 9 a nei a, TDP hian 16 a nei thung a, No confidence Motion pulut tur hian member 50 tal thlawptu an neih tlin a ngai a, Lok Sabha Speaker Sumitra Mahajan chuan no confidence motion hi Thawh\anni-a ngaihtuah turin a ti a, congress party chuan hei hi nasa takin an sawisel nghal bawk. Hetihlai hian Union Minister Ananth Kumar chuan no confidence motion emaw, confidence motion emaw, sawihona pangngai emaw hmachhawn turin sorkar chu a inpeih reng tih a sawi thung.