Nirmalakka hi a pasal Chandrashekhar Reddy nen kum 2007 khan Chhatisgarh khawpui Raipur-ah man a ni a, Chhattisgarh-a court hrang hrang a\angin an lakah hian thubuai thehluh a ni a, thubuai tam zawk hi Naxal nen-a inkungkaih a ni hlawm a, Dandkarnya Krantikari Adivasi Mahila Sangathan-a secretary-a puhna te a ni. Heng thubuai thehluhah te hian finfiahna a awm ngai loh avangin pakhat te tein heng thubuai lakah hian thiam chantir chhoh a ni a, mahse thubuai siamsak zat hi a tam em avangin Nirmalakka hi thubuai chinfel chhung hian kum 12 lung inah a tang hman a, April ni 2 khan a laka thubuai thehluh hnuhnung ber laka thiam chantir chhuah a ni. A pasal Chandrashekhar Reddy chu kum 10 lung in a tan hnuah December 2017 khan chhuah a lo ni tawh a ni.
Nirmalakka hian jail a\anga chhuah a nih hnuah enge a tihtur zawhna chhangin mittui tla chungin a chhungte nen hun hman a duh thu a sawi a ni.
