Jamlo Makdam hi a chhungte chawmin huanah a thawk a, inkharkhip vanga hna a thawh theih loh hnuah tun thla ni 15 khan a thawhpuite nen an khaw lam panin ke-in an haw hova, kawngpui pangngai zawh lovin ramhnuai-ah an kal a ni. Ni thum chhung kea an kal hnuah Jamlo hi a pum a nat vangin a kal thei ta lo va, an in a\anga km 14 velah a thi a ni.
A ruang hi an in phurh thlen a ni tawh a, doctor te chuan ei leh in tur \ha a taksa khamkhawp a hmuh loh rei tawh vangin a taksa-in a tuar nasa hle tih an sawi a, hemi kaihhnawih hi a thih chhan a ni an ti a, coronavirus erawh a kai lo tih finfiah a ni.
Jamlo-i pa, Andoram Madkam chuan a fanu hi Telangana-ah thla hnih chhung hna a thawk hman tih a sawi. Telangana sorkar chuan Jamlo-i chhungte hnenah zangnadawmna cheng nuai 1 pek a ni dawn tih a puang a ni.
