|awipui Group YMA Conference vawi 25-na chu Ningani a\ang khan |awipui North I Community Hall-ah neih a ni a, he Conference hi nizan khan a \iak ta. He Conference-ah hian ‘Ram leh hnam humhalh’ tih thupui chu AMFU President, Pu Joseph H. Thanzuala’n a sawi a, ram leh hnam humhalh nana thil pawimawhte chu zirna leh ei leh bara intodelh tura \an lak a ni tih sawiin, tunlai thiamna mila inher rem zela \an lak a \ul thu te, organic farming ching chhuaka, thlai ei tur hrisel zawk thar chhuah a \ul thu te a sawi a, ramngaw leh nungchate humhalh a \ul thu a sawi bawk. He Conference hian National Highway 54 fur ruahtui tlak tam hmaa blacktop hna chak zawka thawh \ul an tih thu te, Rotlang East leh Mual\huam South inkalpawhna kawng metal thuai \ul an tih thu te, thing leh mau, lui leh nungchate \ha taka humhalh \ul an tih thu te an pass a ni. |awipui Group YMA huam chhunga hian YMA Branch 12 a awm a, kum 2020 Conference chu |awipui South-ah nghah a ni ang. ————–
Mizoram Presbyterian Synod hnuaia Pastor Bial hrang hrangah nizan a\ang khan Bial Inkhawmpui \an a ni. Hemi hmalam nimin khan Finance Committee leh Nomination Committee an \hu a, nizan khan palai lawmna neih a nih bakah Kohhran hrang hrang a\angin report ngaihthlak a ni. Vawiin nileng khan rorel palaiten ro an rel a, chung zingah chuan Pastor bial huam chhung atana thil pawimawh ngaihtuah bakah Presbytery-a ngaihtuah zui tur te an chingfel a ni. Naktuk, Pathianni chawhmaah chuan bial zawng zawngah Pathian thusawituten thlarau lam thupui an sawi ang a, chawhnu lamah Lalpa Zanriah Sacramen \heh a ni bawk ang. Naktuk zanah chuan Bial Chairman kal chhuak turten Pathian thuchah an sawi dawn a ni.
