Tangrual Pawl, ZPM puipate chu vawiin khan Aizawl Treasury Square-a an pawl Pisa-ah chak zawka hmalak dan tur relin an \hukhawm a. An pawl Secretary General, Pu K. Sapdanga chuan, State puitlinga Mizoram hlan kai a nih a\anga kum 30 hnuah pawh BPL chhungkua an pung chho zel chu thil \ha lo tak a ni tih a sawi a, Sorkar laipui leh State Sorkar zawng zawngin BPL tih tlem chu an hna pawimawh a ni a, Sorkar laipui puihnaa Project hrang hrang duan \hinte pawhg miretheite dawm kanna lam hawi a nih deuh vek laia Mizoramah BPL chhungkua an pung zel chu sorkar hlawhchhamnaah an ngai tlat tih sawiin, hei hi Sem policy that loh zia lantirnaah an ngai tih a sawi. Pu K. Sapdanga chuan, Mizoram sorkar-in NLUP a kalpui danah thil dik tawk lo a awm nasa nia sawiin, an thil tih dan avang hian Mizoram hi dikna leh rinawmnain hmun a chan lohna ram leh dan palzutna hmunah an chantir mek a, diklo taka MLA-te hnenah NLUP sem tir an ni pawh hriatthiam theih a nih loh laia, lum 2013 inthlana Congress Ticket-a ding zinga tling zo ta lote sem tir an ni phei chu a demawm tak zet a ni, a ti a. Hemi chungchang Chief Minister-in a sawifiahna a party dang diriam leh hmusit taka a \awngkhum phei chu a Mizo lo hle tih sawiin, ham\hatna duh vanga campaign nana mipui sum hmangtute chu mipuiten vote an ba lo niin a sawi.
ZPM puipate \hukhawm hi Steering Committee Vice Chairman, Pu Lalthansanga’n a kaihhruai a ni.
