Tamil Nadu-a in chimah mi 8 thi

Tamil Nadu, Nagapattinam-ah in pakhat a chim a, mi 8 an thi a, mi dang 3 an hliam. Thuneitute chuan thite hi state sorkar Transport Corporation hnathawk vek an nih thu leh, zing lama hnathawk nghal tura an hnathawhna hmun riahchilh an ni tih an sawi. State CM, Edappadi K.Palaniswami chuan thi chhungte hi cheng nuai 7,50,000 \heuh pek a tiam bakah, an thiamna in a tlin dan a zirin, Transport Department-ah hna pek vek a tiam bawk a ni. Nagapattinam-a chengte chuan in chim hi Transport Department luah lai, kum 60 vel kal taa sak tawh a nih avangin siam \hat a ngai nasa tawh hle niin an sawi. Eptu pawlte leh hnathawktu pawl, trade union-te chuan he thilah hian state sorkar chu na takin an dem a, he in chim hi Bus din khawmna nia sawiin, sorkarin a ngaihthah em avanga he thil hi thleng ta niin an sawi. DMK Working President, M K Stalin-a chuan, an pawl pawhin hemi chungchang hi sorkar an hrilh tawh chungin, thuneituten an ngaihven lo niin a sawi a, PMK hruaitu, S Ramadoss pawhin ngaihthah avanga thihna a thlen avang hian state sorkar chu a bang tur niin a sawi. CPI pawhin, he hmun hi a him lo tih an party-in thuneitute an hrilh fo tawh niin a sawi a, hnathawktu pawl hrang hrangin state sorkar chu thi ta chhungte, cheng nuai 10 tal pe vek turin an ph<t a, nakt<kah thi ta te sun nan hian inkhawm huaihawt an tum thu an sawi bawk.