US leh Taliban aiawhte inbiaknaah inkahhaina thu thlung hi duan a ni a, kenkawh \hat a nih chuan remna tluantling a awm theihna tura US sipaite Aghanistan a\anga an in lak chhuah theihna tur kawng a inhawng dawn a ni.
Television-a thu a sawiah Afghan President Ashraf Ghani chuan tharum thawh bansan rih a nih tur thu hi a sawi a, sipaite chu tuna an dinhmunah venhim hna thawk turin inring rengin an awm zui dawn tih a sawi. Hemi hmalam hian Afghan National Security Adviser Hamdullah Mohib-a thupuangtu Javid Faisal chuan Afghan sipaite chuan silai keng pawl dang, ISIL ang chi te laka an hmalakna chu an chhunzawm zel rih dawn tih a sawi.
US Secretary of State Mike Pompeo chuan tuna inbiakna anga muanna vawnhim chhoh theih a nih chuan US Sipaite chu February ni 29 ah an in hnuklet tawh dawn tih a sawi a, hemi hnu lawk hian Taliban thupuangtu Zabihullah Mujahid chuan Pompeo-a thusawi hi nemnghetin, inremna ziahfel a nih theihna turin a tawn tawn aiawhten hma an lak tur thu a sawi a ni.
