Defemce Secretary Mark Esper chuan tharum thawhna ti tawp turin inbiakna neih a nih thu a lo sawi tawh a, US leh Taliban te hi kum 18 chhung zet Afghanistan-a indona thleng chho tawh tih tawp dan tur dapin an inbe chho mek a, inbiakna hi a tluang lo hle a, September thla khan US President Donald Trump-a chuan inbiakna chuan hma a sawn lo tih a lo puang tawh a ni.
Pompeo-a hian Trump-a’n inbiakna chhunzawm tur hian thutlukna a siam tih a sawi a, tun hnaia an inbiakna chu a kaltluang tih sawiin, harsatna chinfel ngai tam tak a la awm avangin inremna tur thuthlung erawh duan theih a la ni rih lo tih a sawi.
Kum 2001-a US in Taliban te a chhut chimih hnu khan Us sipai 13,000 vel chu Afghanistan ah hian an la chambang a, kum 2018 December thla khan Taliban te hian US sorkar hotute biak an remtih thu an sawi rualin, Afghan sorkar erawh biak an duh loh thu an sawi thung a, Afghan sorkar hotute chu US thu thua awmah an puh a ni.
US leh Taliban te hi \um 9 an inbiak hnuah Qatar-ah inremna an siam thei hman \ep a, US pawhin a sipai 5,400 te chu hapta 20 chhungin Afghanistan a\anga lak chhuah an nih tur thu a puang hman a, hemi hnu lawk hian US sipai pakhat chu Taliban te kutah a thih zui tak avangin US President Donald Trump-a chuan inbiakna chu a hlawh chham tih a puang zui ve leh a ni.
