Taliban ten an beih lai hi chhim lam khawpui pakhat Ghazni a ni a, sipaite leh mifirfiakte hi nasa takin an inbei zui a, silai leh bomb puak karah he khawpuia cheng mipuite chuan a theih ang angain tawm himna an dap a, Taliban te hian sipai hmun bakah civil mi te chenna hmun pawh laipuiin an sai nasa hle a, thi te zingah hian taliban mi 12 chuang an tel tih provincial governor thupuangtu chuan a sawi.
Khawpuia cheng te sawi danin taliban te hian aurinna hmangin mipuite chu anmahni in chhunga tawm turin an hrilh lawk a, a hnuah silai leh bomb puak ri nasa takin a zui nghal a ni. Police special force te chu Taliban te hmasawn zel tur dang tura tirh nghal an ni tih Afghanistan security hotute chuan an sawi a. Taliban te hian thuchhuah siamin khawpui chhung hmun pawimawh zual chu an la vek tawh niin an sawi.
