India-in Taliban mi a hren mek zingah mifirfiak thil ti thei tak tak te an tel a, chhuah zalen tak te chu Afghan thuneitute nge, US sipai Afghan-a awm hmun khuar ten enkawl zui dawn tih tarlan a ni lo a, India leh Afghanistan te hian an mi hrente hi Pathianni khan an inthleng a, an inthlengna hmun erawh tarlan a ni lo a ni.
Taliban mi chhuah zalen tak te zingah an hruaitu, Sheikh Abdur Rahim leh Mawlawi Abdur Rashid te an tel a, heng mi pahnite hian Kunar leh Nimroz biala Taliban rorelna laka hel pawlte an pui \hin a, hemi hnu kum 2001 khan US-in Afghanistan-ah hian sipaite tir lutin heng helpawl te hi a tukdawl a ni.
Kum 2018 May thla khan India engineer rual mi 7 te chu electric current siamna tur khawl bunin Afghanistan hmar lam Baghlan bialah an thawk chhuak a, an hnathawhna hmun a\ang hian mi tu tih hriat lohten an rubo va, he inruk bonaah hian mawhphurtua inchhal an awm lova a ni. Rukbo zinga pakhat chu kumin March thla khan an chhuah a ni.
