Ram hruaitute zingah Larsap Pu PS Sreedharan Pillai leh Chief Minister Pu Zoramthanga te pawhin nitin mahni in chhungah an taksa an sawizawi \hin a. Mizo infiammi langsar Footballer Jeje Lalpekhlua te, rit chawichak Jeremy Lalrinnunga, Boxer NT Lalbiakkima, Hockey khel thiam Lalremsiami te bakah infiammi langsar dangte pawhin a remchan dan angin an taksa an sawizawi reng a ni.
Chief Minister Pu Zoramthanga chuan inkharkhip a nih chhungin nidanga a insawina \hin batminton chu khel thei rih lo mahse, a hriselnain a tawrh lohna turin a theih ang angin a insawizawi tih a sawi a, inkharkhip chhungin rilru leh taksa hriselna ngai pawimawh tur leh insawizawi uar turin mipuite a chah a ni.
(CM bite)
Sports Minister Pu Robert Romawia Royte chuan inkharkhipna kalpui a nih chhungin insawizawina hmun hrang hang khar nimahse, taksa ti chak tur leh hriselna atan mahni In chhunga a remchan dan anga taksa sawizawi thlahthlam lo turin mipuite a chah a ni.
